Анастасія Гедзімінаўна, свецкае імя Айгу́ста (каля 1320 — 11 сакавіка 1345) — першая жонка вял.кн. маскоўскага Сімяона Іванавіча.
Дачка вял.кн. літоўскага Гедзіміна, дата нараджэння пэўна не вядома. У 1333 годзе прывезена ў Маскву, замуж за 16-гадовага маскоўскага княжыча Сімяона Іванавіча. Нарадзіла двух сыноў, Васіля і Канстанціна, памерлых у маленстве, і дачку Васілісу (жонку кашынскага князя Міхаіла Васілевіча).
Памерла ў Маскве падчас чумы прыняўшы схіму. Пахавана ў заснаваным ёй жа Спаса-Праабражэнскім манастыры.