Амброзіус Босхарт Старэйшы (Амброзій Босхарт, нідэрл. Ambrosius Bosschaert de Oude; 1573, Антверпен — 1621, Гаага) — фламандскі мастак залатога веку нідэрландскага жывапісу. Вядомы перш за ўсё сваімі кветкавымі нацюрмортамі, выкананымі ў сакавітых колерах.
Сваю кар’еру Босхарт пачаў у Антверпене ў 1588 годзе. З 1593 па 1613 года працаваў у Мідэлбургу, затым ва Утрэхце (з 1616 года) і ў Брэдзе.
Босхарт адносіцца да ліку першых мастакоў, якія зацвердзілі кветкавы нацюрморт у якасці самастойнага жанру нідэрландскага мастацтва. Дакладнасць выявы і гарманічнасць колераў дазваляюць ставіць працы Босхарта ў адзін шэраг з яго сучаснікам Янам Брэйгелем Старэйшым.
На палотнах Басхарта побач з букетамі кветак часта намаляваны матылі або ракавінкі. У многіх выпадках кветкі крануты завяданнем, што ўводзіць у палотны Босхарта алегарычны матыў тленнасці быцця (ванітас).
Мастацкі напрамак Амброзіюса Босхарта працягнулі развіваць яго тры сыны.