У Вікіпедыі ёсць артыкулы пра іншых асоб з прозвішчам Сі. Амар Сі (фр.: Omar Sy; нар. 20 студзеня 1978, Трап, Іль-дэ-Франс) — французскі акцёр, лаўрэат прэміі «Сезар» за найлепшую мужчынскую ролю. Сярод вядомых акцёрскіх работ Сі такія фільмы, як «1+1», «Шакалад», «Людзі Ікс: Дні мінулай будучыні».
Маці Амара з Маўрытаніі, бацька з Сенегала, абодва паходзяць з народнасці фульбэ. Ён быў чацвёртым з васьмі дзяцей у сям’і.
Падчас свайго навучання ў школе, Амар пачаў працаваць на радыё. Пасля заканчэння школы ён атрымаў прапанову ад прадзюсарскай кампаніі зрабіць ўласнае шоў, якое пасля ператварылася ў камедыйнае тэлешоу «Амар і Фрэд» (фр.: Omar et Fred) з акцёрам Фрэдам Цеста.
Поспех акцёру прынесла роля Дрыса ў фільме «1+1/Недатыкальныя» (2011), за якую ён атрымаў прэмію «Сезар» за лепшую мужчынскую ролю, а таксама быў намінаваны на прэмію «Спадарожнік».