wd wp Пошук: ⬜

Аліўскі кафедральны сабор

Аліўскі кафедральны сабор або Базіліка Святой Троіцы, Дзевы Марыі і Святога Бернарда — разам з палацам абатаў з’яўляўся часткай абацтва цыстэрцыянаў, знаходзіцца ў гданьскім раёне Аліва. Галоўны храм Гданьскай архідыяцэзіі.

Трохнефная базіліка з шматгранным прэсвітэрыем і трансептам выканана ў гатычным стылі з элементамі барочных упрыгожванняў. Гістарычна служыла галоўным храмам Памераніі, магільным склепам мясцовых князёў і герцагаў.

Фасад фланкіруюць дзве вежы вышынёй 46 м з макаўкамі ў стылі барока. У цэнтры фасада партал 1688 года.

На скрыжаванні сярэдняга нефа з трансепта знаходзіцца вежка-званніца.

Храм мае даўжыню 107 м, шырыню 19 м і вышыню 17,7 м з’яўляецца самым доўгім цыстэрцыянскім касцёлам у свеце.

Гісторыя

2 ліпеня 1186 года - заснаваны цыстэрцыянскі кляштар.
1224 і 1234 або 1236 - раманскі кляштар быў двойчы спалены прусамі.
1350 - пасля трэцяга пажару касцёл і кляштар зноў адноўлены ў гатычным стылі.
1831 - указам прускага ўрада кляштар быў скасаваны, частка будынкаў перададзена каталіцкай парафіі.
1925 - касцёл стаў кафедральным.
1992 год - кафедральны касцёл стаў рэзідэнцыяй гданьскай архідыяцэзіі.

Інтэр’ер

Унутры касцёла знаходзяцца 23 мармуровыя алтары ў стылях барока і ракако. Першы галоўны алтар быў створаны ў 1605 годзе і меў стыль нідэрландскага рэнесансу. У 1688 годзе, заменены новым.

Самым каштоўным аб’ектам унутры касцёла з’яўляецца арган, які быў пабудаваны ў 1763—1788 гадах манахам Іагана Вільгельмам Вульфам.

Гл. таксама

Цыстэрцыянскае абацтва ў Аліве

Літаратура

Franciszek Mamuszka: Oliwa: Okruchy z dziejów, zabytki. Gdańsk: Krajowa Agencja Wydawnicza, 1985. ISBN 83-03-00938-9.
Maria i Andrzej Szypowscy: Oliwa: Muzyka wieków. Warszawa: Wydawnictwo Interpress, 1987. ISBN 83-223-2441-3.

Спасылкі

На Вікісховішчы ёсць медыяфайлы па тэме Аліўскі кафедральны сабор
Шэдэўры Аліўскага касцёла Архівавана 18 чэрвеня 2010.