Аляксей Пятровіч Марэсьеў (7 (20) мая 1916 — 18 мая 2001, Масква) — лётчык-ас, Герой Савецкага Саюза. Марэсьеў — прататып героя аповесці Барыса Палявога «Аповесць пра сапраўднага чалавека».
З-за цяжкага ранення падчас Вялікай Айчыннай вайны яму былі ампутаваныя абедзве нагі ў вобласці галёнкі з-за гангрэны. Аднак, нягледзячы на інваліднасць, лётчык вярнуўся ў неба. Лётаў з пратэзамі. Усяго за час вайны здзейсніў 86 баявых вылетаў, збіў 11 самалётаў ворага: чатыры да ранення і сем — пасля ранення.