У Вікіпедыі ёсць артыкулы пра іншых асоб з прозвішчам Сітнікаў. Аляксей Паўлавіч Сітнікаў (1836 — 18 красавіка 1875) — расійскі і беларускі інжынер-архітэктар[1].
Нарадзіўся ў 1836 годзе[1].
Тэхнічную адукацыю атрымаў у Пецярбургскім будаўнічым вучылішчы (1852-58) і, скончыўшы курс з адзнакай, з чынам калежскага сакратара, быў вызначаны ў Варонежскую губернскую будаўнічую і дарожную камісію[1].
Пасля гэтага прызначаны малодшым інжынерам будаўнічага аддзялення наўгародскага губернскага праўлення (1865)[1]. У наступным годзе атрымаў званне архітэктара і ўзяў на сябе надзор за помнікам тысячагоддзя Расіі(руск.) бел. (1866)[1]. Праз тры гады ўзведзены ў званне інжынер-архітэктара і ў хуткім часе прызначаны архітэктарам дзяржаўных конскіх заводаў (1870)[1]. Далей прызначаны звыштатным тэхнікам будаўнічага аддзялення варонежскага губернскага праўлення (1873), а потым паслядоўна: малодшым інжынерам таго ж будаўнічага аддзялення і магілёўскім губернскім інжынерам[1].
У час працы на апошняй пасадзе, памёр на 40-м годзе жыцця[1].