У Вікіпедыі ёсць артыкулы пра іншых асоб з прозвішчам Коўтун. .mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Аляксей Коўтун (нар. 5 лютага 1995, Кіеў, Украіна) — украінскі футбаліст, абаронца.
Выхаванец кіеўскага «Дынама». У складзе кіяўлян чатыры сезоны правёў у дзіцяча-юнацкай футбольнай лізе. Па выніках чэмпіянату 2011/12 прызнаваўся найлепшым абаронцам турніру U-17[2]. Пасля завяршэння навучання палову сезона гуляў за кіяўлян у першым у гісторыі чэмпіянаце Украіны сярод 19-гадовых, пасля чаго перайшоў у харкаўскі «Металіст»[3]. Наступныя два гады гуляў у моладзевай камандзе харкаўчан.
У Прэм’ер-лізе дэбютаваў 1 сакавіка 2015 года ў гасцявым матчы супраць кіеўскага «Дынама». У гэтай гульні, акрамя Коўтуна, за асноўную каманду «Металіста» дэбютаваў яшчэ шэраг іграком, што стала магчымым дзякуючы байкоту лідарамі каманды старту вясновай часткі чэмпіянату Украіны з-за невыканання клубам кантрактных абавязацельстваў перад імі[4].
У канцы жніўня 2015 года перайшоў у «Палтаву», у складзе якой дэбютаваў 30 жніўня ў выязным матчы супраць «Дынама-2», выйшаўшы на замену ў другім тайме. За палтаўскую каманду адгуляў 2,5 сезоны ў Першай лізе.
У сакавіку 2018 года падпісаў кантракт з беларускім клубам «Мінск»[5]. Правёў у Вышэйшай лізе 5 матчаў, пасля выбыў з-за траўмы, а ў чэрвені 2018 года па сямейных абставінах пакінуў «Мінск»[6].
У ліпені 2018 года стаў іграком львоўскіх «Карпат»[7], дзе часцей гуляў у стартавым складзе, але часам заставаўся на лаўцы запасных. У сакавіку 2020 года зноў апынуўся ў Беларусі, падпісаўшы кантракт з брэсцкім «Рухам»[8]. У снежні 2020 года па пагадненні бакоў разарваў кантракт з «Рухам»[9].
У студзені 2021 года папоўніў склад «Мыная»[10], гуляў там да ліпеня 2021 года. У верасні 2021 года стаў іграком чарнігаўскай «Дзясны», пакінуў клуб па заканчэнні кантракта ў студзені 2022 года.
У 2015 годзе ў складзе моладзевай зборнай Украіны (да 20 гадоў) трапіў на моладзевы чэмпіянат свету ў Новай Зеландыі, аднак на полі не з’яўляўся, застаючыся на лаўцы запасных.