.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Аляксей Бабыр (нар. 15 сакавіка 1990, Сімферопаль) — украінскі і расійскі футбаліст, нападнік крымскага клуба «ТСК-Таўрыя» з Сімферопаля.
З 2003 года па 2007 год выступаў у дзіцяча-юнацкай футбольнай лізе Украіны за cімферопальскае вучылішча алімпійскага рэзерву (ВАР). Летам 2007 года трапіў у «Крымцяпліцу» з Маладзёжнага, дзе галоўным трэнерам быў Аляксандр Гайдашоў. 19 жніўня 2007 года дэбютаваў у складзе каманды ў Першай лізе Украіны ў выязным матчы супраць кіеўскай «Абалоні» (3:1), Бабыр выйшаў на 63-й хвіліне замест Андрэя Гайдашова. У лістападзе 2007 года ў складзе каманды выйграў Кубак Крымцяпліцы, а ў лютым 2009 года на гэтым турніры стаў бронзавым прызёрам. Таксама паралельна з гульнёй за «Крымцяпліцу» гуляў за мясцовы «Спартак» у чэмпіянаце Крыма, у 2007 годзе стаў чэмпіёнам Крыма. У 2008 і 2009 годзе ў складзе «Спартака» выйграваў Кубак мэра Сімферопаля. Бабыр таксама правёў за «Спартак» адзін матч у Кубку ўкраінскай лігі ў 2009 годзе. Усяго за «Крымцяпліцу» выступаў на працягу двух з паловай гадоў і згуляў за каманду ў Першай лізе ў 63 матчах і забіў 7 мячоў, у Кубку Украіны правёў 5 матчаў.
У лютым 2010 года пабываў на праглядзе ў кракаўскай «Вісле». У пачатку красавіка 2010 года быў заяўлены за луцкую «Валынь», да гэтага быў на праглядзе ў гэтым клубе. 3 красавіка 2010 года дэбютаваў у складзе «Валыні» ў матчы супраць «Фенікса-Ільічоўца» (4:0), Бабыр пачаў матч у аснове, але на 58-й хвіліне быў заменены на Яўгена Паўлава. У сезоне 2009/10 «Валынь» заняла другое месца ў Першай лізе, саступіўшы толькі «Севастопалю», і выйшла ў Прэм’ер-лігу. У Прэм’ер-лізе дэбютаваў 7 жніўня 2010 года ў хатнім матчы супраць луганскай «Зары» (0:1), Бабыр выйшаў у перапынку замест Яўгена Паўлава.
У канцы жніўня 2013 года на правах арэнды перайшоў у «Гаверлу». Дэбютаваў за ужгарадцаў 31 жніўня 2013 года, у матчы супраць палтаўскай «Ворсклы». У канцы красавіка 2014 атрымаў расійскае грамадзянства[3]. 17 ліпеня 2014 года стаў іграком клуба «Тосна» з расійскай ФНЛ[4]. Правёў за каманду два матчы і ў студзені 2015 года скасаваў кантракт. У 2015 годзе выступаў у чэмпіянаце Крыма за «Скіф» і «Еўпаторыю».
У сакавіку 2016 падпісаў кантракт з беларускім «Гранітам»[5]. У 13 матчах чэмпіянату забіў за «Граніт» 3 галы. У канцы чэрвеня 2016 года разарваў кантракт з «Гранітам»[6] і перайшоў у ніжнякамскі «Нафтахімік», дзе стаў асноўным нападнікам. У чэрвені 2017 года стаў іграком астраханскага «Валгара», адкуль быў адлічаны ў красавіку 2018 года. У ліпені 2018 года вярнуўся ў «Нафтахімік».
У ліпені 2019 года перайшоў у пермскую «Зорку». У ліпені 2020 года адправіўся ў Крым, стаў іграком «Крымцяпліцы», а ў сакавіку 2021 года перайшоў у «ТСК-Таўрыю». З красавіка да ліпеня 2021 года гуляў за латвійскі «Ноа», а пасля таго як клуб зняўся з чэмпіянату вярнуўся ў Сімферопаль.
У верасні 2008 года быў выкліканы Юрыем Марозам у склад юніёрскай зборнай Украіны. 8 верасня 2008 года дэбютаваў у складзе зборнай у таварыскім матчы супраць Бельгіі (2:0), выйшаўшы на перапынку і на 79-й хвіліне забіўшы гол з вуглавога. Таксама выклікаўся ў студэнцкую зборную Украіны.
У лістападзе 2010 года быў выкліканы Паўлам Якавенкам у склад моладзевай зборнай Украіны на матч супраць Чэхіі, аднак тады так і не згуляў. У жніўні 2011 года прыняў удзел у турніры памяці Валерыя Лабаноўскага. На турніры ён адыграў у двух гульнях, у паўфінале адыграў у матчы супраць Ізраіля (3:0). У фінале Украіна саступіла Узбекістану (0:0 асноўны час і 7:8 па пенальці), у серыі пасляматчавых пенальці Бабыр адзіны са зборнай не рэалізаваў удар.