У паняцця ёсць і іншыя значэнні, гл. Ваявода.
Аляксей Іванавіч Ваявода (нар. 9 мая 1980, сяло Калінавіца, Украінская ССР, СССР) — расійскі бабслеіст, сярэбраны прызёр Алімпійскіх гульняў 2006 года ў чацвёрках, бронзавы прызёр Алімпійскіх гульняў 2010 года ў двойках, чэмпіён свету 2011 года ў двойках. Двухразовы алімпійскі чэмпіён Сочы 2014 у двойках (разам з Аляксандрам Зубковым) і чацвёрках.
Аляксей Ваявода да пераходу ў бабслей стаў трохразовым чэмпіёнам свету і трохразовым пераможцам Кубка свету (Nemiroff) сярод прафесіяналаў па армрэстлінгу.[1]
У сістэме харчавання прытрымліваецца вегетарыянства.[2]
Прафесійны бабслеіст з 2002 года.
На Алімпійскіх гульнях 2006 года ў Турыне Ваявода разам з Філіпам Ягоравым, Аляксеем Селіверставым і Аляксандрам Зубковым у складзе экіпажа-чацвёркі заваяваў сярэбраны медаль.
На Алімпійскіх гульнях 2010 года ў Ванкуверы ў складзе экіпажа двойкі з Зубковым заваяваў бронзавы медаль. Пасля Алімпіяды Аляксей Ваявода абвясціў аб завяршэнні кар’еры бабслеіста, але заявіў, што ў спорце ён застаецца.[3]
Алімпійскі чэмпіён па бабслеі ў экіпажах двоек Алімпіяды 2014 у Сочы.