У Вікіпедыі ёсць артыкулы пра іншых асоб з прозвішчам Шышкоў.
Аляксандр Сямёнавіч Шышкоў (руск.: Алекса́ндр Семёнович Шишко́в; 9 [20] сакавіка 1754, Масква — 9 [21] красавіка 1841, Санкт-Пецярбург) — рускі пісьменнік, літаратуразнаўца, філолаг, мемуарыст, ваенны і дзяржаўны дзеяч, адмірал (1824). Дзяржаўны сакратар і міністр народнай асветы. Адзін з вядучых расійскіх ідэолагаў часоў Айчыннай вайны 1812 года, вядомы кансерватар, ініцыятар выдання ахоўнага цэнзурнага статута 1826 года. Прэзідэнт літаратурнай Акадэміі Расійскай.