У Вікіпедыі ёсць артыкулы пра іншых асоб з прозвішчам Радзевіч. Алякса́ндр Міха́йлавіч Радзе́віч (нар. 25 кастрычніка 1957, Смаргонскі раён, Гродзенская вобласць, БССР) — беларускі дзяржаўны дзеяч, міністр прамысловасці Рэспублікі Беларусь (2009—2011).
Нарадзіўся ў Смаргонскім раёне Гродзенскай вобласці ў 1957 годзе. Скончыў Мінскі радыётэхнічны інстытут па спецыяльнасці «канструяванне і вытворчасць радыёапаратуры» ў 1979 годзе.
У 1979—1981 гадах — інжынер вытворчага аб’яднання «Інтэграл». У 1981—1998 гадах працаваў на розных пасадах у Смаргонскім заводзе аптычнага станкабудавання, а ў 1998 годзе ўзначаліў прадпрыемства. З 2002 па 2005 год — намеснік старшыні Гродзенскага абласнога выканаўчага камітэта. 1 снежня 2005 года прызначаны генеральным дырэктарам ААТ «Гродна Азот».
З 26 чэрвеня 2009 да 4 лютага 2011 года[1] — міністр прамысловасці Беларусі. Член Назіральнага савета ААТ «Белпрамбудбанк».
15 красавіка 2011 года ўказам Прэзідэнта Беларусі Аляксандра Лукашэнкі прызначаны на пасаду генеральнага дырэктара Мінскага электратэхнічнага завода імя В. І. Казлова.