Аляксандр Міхайлавіч Лазарэнкаў (нар. 26 ліпеня 1946, в. Шаровічы, Руднянскі раён, Смаленская вобласць, Расія) — беларускі спецыяліст у галіне аховы працы ў ліцейнай вытворчасці. Доктар тэхнічных навук (1993), прафесар (1995).
Скончыў Беларускі політэхнічны інстытут (спецыяльнасць «Машыны і тэхналогія ліцейнай вытворчасці», 1968).
Працаваў у Беларускім нацыянальным тэхнічным універсітэце (з 1968, механіка-тэхналагічны факультэт, кафедра «Ахова працы», з 1999 — загадчык кафедры).
Навуковыя інтарэсы: умовы працы работнікаў (машынабудаванне, будаўніцтва, аўтамабільны транспарт); бяспека тэхналагічных працэсаў і бясшкоднасць абсталявання ліцейнай вытворчасці; распрацоўка метадаў комплекснай ацэнкі ўмоў працы.