wd wp Пошук: ⬜

Аляксандр Мікалаевіч Буйкевіч

У Вікіпедыі ёсць артыкулы пра іншых асоб з прозвішчам Буйкевіч. Аляксандр Мікалаевіч Буйкевіч (нар. 19 лістапада 1984 года, Брэст, Брэсцкая вобласць, Беларуская ССР, СССР) — беларускі фехтавальшчык на шпагах. Чэмпіён Еўропы, прызёр чэмпіянатаў свету і Еўропы, заслужаны майстар спорту Рэспублікі Беларусь.

Біяграфія

Аляксандр Буйкевіч нарадзіўся 19 лістапада 1984 года ў Брэсце, у 1998 годзе пачаткаў займацца фехтаваннем. У 2002 годзе Аляксандр дэбютаваў на міжнародных спаборніцтвах.

Першых сур’ёзных вынікаў беларускі шабліст дамогся на чэмпіянаце Еўропы ў 2007 годзе, калі ён выйграў сярэбраны медаль у камандным першынстве [1]. У наступным годзе Аляксандр стаў чэмпіёнам Еўропы ў асабістым турніры [2], а ў складзе каманды заваяваў бронзу[3]. Пасля ўдалых выступленняў на чэмпіянатах Еўропы фехтавальшчык увайшоў у склад беларускай каманды на Алімпійскіх гульнях 2008 ў Пекіне. На Алімпіядзе Аляксандр выступіў добра: у асабістым турніры ён дабраўся да чвэрцьфіналу, дзе прайграў румыну Міхаю Каваліу ўсяго два ачкі за выхад у паўфінал [4], а ў камандных спаборніцтвах беларуская каманда прайграла ў чвэрцьфінале італьянцам [5].

Праз тры гады пасля Алімпіяды ў Кітаі Аляксандр змог выйграць адзін з галоўных медалёў у сваёй кар’еры. На перадалімпійскім чэмпіянаце свету ён стаў віцэ-чэмпіёнам у камандным шаблі [6]. А ў 2012 годзе за месяц да Алімпійскіх гульняў беларускі фехтавальшчык выйграў «бронзу» еўрапейскага чэмпіянату [7]. Аляксандр прыняў удзел у Алімпійскіх гульнях 2012 года ў Лондане. Беларус прайграў ужо ў 1/8 фіналу ў асабістым турніры [8], а ў камандным першынстве ён пацярпеў крыўднае паражэнне ў чвэрцьфінале, калі каманда Беларусі саступіла італьянскай зборнай толькі адно ачко ў барацьбе за выхад у 1/2 фіналу [9].

Наступны алімпійскі цыкл беларускі фехтавальшчык правёў не лепшым чынам: на важных міжнародных стартах ён не падымаўся на пастамент, спыняўся ў кроку ад барацьбы за медалі. Але ўсё ж Аляксандр адабраўся ў 2016 годзе на сваю трэцюю Алімпіяду ў Рыа-дэ-Жанэйра ў асабістым першынстве шаблістаў, стаўшы адзіным прадстаўніком сваёй краіны на Гульнях у Рыа ў спаборніцтве па фехтаванні[10].

Лепшыя вынікі

Чэмпіянаты свету

Срэбра — чэмпіянат свету 2011 года (Катанія, Італія) (каманды)

Чэмпіянаты Еўропы

Золата — чэмпіянат Еўропы 2008 года (Кіеў, Украіна)
Срэбра — чэмпіянат Еўропы 2007 года (Гент, Бельгія) (каманды)
Бронза — чэмпіянат Еўропы 2008 года (Кіеў, Украіна) (каманды)
Бронза — чэмпіянат Еўропы 2012 года (Леньяна, Італія)

Узнагароды

Заслужаны майстар спорту Рэспублікі Беларусь (2012) [11].

Зноскі

↑ Result: overal ranking, pools, tablo 64, quarterfinal — Championnats d’Europe — Gand — 02.07.07 — FIE — International Fencing Federation
↑ Result: overal ranking, pools, tablo 64, quarterfinal — Championnats d’Europe — Kiev — 04.07.08 — FIE — International Fencing Federation
↑ Result: overal ranking, pools, tablo 64, quarterfinal — Championnats d’Europe — Kiev — 04.07.08 — FIE — International Fencing Federation
↑ “Fencing: 2008 Olympic Results - Men’s sabre, Individual Quarter-Finals”(нявызн.) (недаступная спасылка). sports-reference.com. Архівавана з першакрыніцы 11 чэрвеня 2015. Праверана 25 ліпеня 2016.
↑ “Fencing: 2008 Olympic Results - Men’s team sabre, Round One”(нявызн.) (недаступная спасылка). sports-reference.com. Архівавана з першакрыніцы 11 мая 2010. Праверана 25 ліпеня 2016.
↑ Result: overal ranking, pools, tablo 64, quarterfinal — Championnats du Monde — Catania — 14.10.11 — FIE — International Fencing Federation
↑ Result: overal ranking, pools, tablo 64, quarterfinal — Championnats d’Europe — Legnano — 15.06.12 — FIE — International Fencing Federation
↑ “Fencing: 2012 Olympic Results - Men’s sabre, Individual Round Three”(нявызн.) (недаступная спасылка). sports-reference.com. Архівавана з першакрыніцы 13 лістапада 2012. Праверана 25 ліпеня 2016.
↑ “sabre team men results - Fencing - London 2012 Olympics”(нявызн.). www.olympic.org. Праверана 25 ліпеня 2016.
↑ Sabre - Men - Individual - Participants - Rio loves fencing - FIE
↑ Указ Прэзідэнта Рэспублікі Беларусь ад 30 жніўня 2012 г. № 394 «Аб узнагароджанні дзяржаўнымі ўзнагародамі Рэспублікі Беларусь»(нявызн.). Нацыянальны прававы інтэрнэт-партал Рэспублікі Беларусь.

Зноскі

Спасылкі

Профіль на сайце Міжнароднай федэрацыі фехтавання FIE (англ.)