Аляксандр Себасцьян Леонс фон дэр Венгэ граф Ламбсдорф (ням.: Alexander Sebastian Léonce von der Wenge Lambsdorff; 5 лістапада 1966, Кёльн) — нямецкі дыпламат і палітык.
Нарадзіўся ў Кёльне ў арыстакратычнай сям’і. Вывучаў гісторыю ў Бонскім універсітэце, у 1991—1993 гг., затым вывучаў міжнародныя адносіны ў Джорджтаўнскім універсітэце ў межах праграмы Фулбрайта. Быў стажорам у Еўрапейскай камісіі працаўнікоў і Фондзе імя Фрыдрыха Наўмана ў Таліне. З сярэдзіны 1990-х гадоў працаваў у Міністэрстве замежных спраў Германіі, у прыватнасці быў прэс-аташэ пасольства Германіі ў Вашынгтоне (ЗША). Адзін з заснавальнікаў Атлантычнай ініцыятывы і Фонда Германія-Турцыя.
Ламбсдорф з’яўляецца сябрам Свабоднай дэмакратычнай партыі, уваходзіў у кіруючыя органы Альянсу лібералаў і дэмакратаў за Еўропу. У 2004 годзе ён упершыню быў абраны дэпутатам Еўрапарламента, пасля некалькі разоў пераабіраўся. У 2017 годзе абраны членам бундэстага.
З 1994 года Ламбсдорф жанаты, у пары двое дзяцей.