У Вікіпедыі ёсць артыкулы пра іншых асоб з прозвішчам Хапалюк. Аляксандр Васілевіч Хапалюк (нар. 1951) — беларускі ўрач-кардыёлаг. Доктар медыцынскіх навук, прафесар[3].
Скончыў з адзнакай Мінскі дзяржаўны медыцынскі інстытут (1976) і клінічную ардынатуру пры кафедры факультэцкай тэрапіі МДМІ (1976—1978 гг.). З 1981 г. — асістэнт кафедры кардыялогіі Беларускага дзяржаўнага інстытута ўдасканалення ўрачоў[4].
З 2002 па сакавік 2009 года загадваў кафедрай клінічнай фармакалогіі і тэрапіі БелМАПА, з ліпеня 2009 — загадчык кафедры клінічнай фармакалогіі БДМУ[4].
У 2002—2003 гг. сумяшчаў працу ў БелМАПА з працай у Міністэрстве аховы здароўя ў якасці галоўнага тэрапеўта, з 2003 па 2006 г. — галоўнага пазаштатнага герыятра. Урач вышэйшай катэгорыі па спецыяльнасці «тэрапія»[4].
З’яўляецца экспертам ВАК, членам Савета па абароне па спецыяльнасці «Кардыялогія і кардыяхірургія», быў старшынёй Савета па абароне па спецыяльнасцях «Фармакалогія, клінічная фармакалогія і эндакрыналогія»[4].
Член Еўрапейскага таварыства кардыёлагаў, галоўны рэдактар часопісаў «Лячэбная справа», «Сямейны доктар», член рэдкалегіі часопісаў «Кардыялогія», «Медыцынскага часопіса», «Deutscher Wissenschaftsherold» (Германія)[4].
Узнагароджаны знакам «Выдатнік аховы здароўя», Ганаровымі граматамі БелМАПА, Міністэрства аховы здароўя Рэспублікі Беларусь.