wd wp Пошук: ⬜

Аляксандр Апанасавіч Жыгар

У Вікіпедыі ёсць артыкулы пра іншых асоб з прозвішчам Жыгар.

Аляксандр Апанасавіч Жыгар (15 мая 1915 вёска Вялікае Сяло, Петрыкаўскі раён — 24 кастрычніка 1971) — адзін з кіраўнікоў партызанскага руху ў Палескай вобласці.

Біяграфія

Член КПСС з 1939 года. З 1932 года на гаспадарчай рабоце, з 1940 года дырэктар Капаткевіцкай МТС. У пачатку Вялікай Айчыннай вайны пакінуты ў нямецкім тыле: са жніўня 1941 года камісар партызанскага атрада (у кастрычніку 1941 года атрад раздзяліўся на групы, у студзені 1942 года быў адноўлены), камандзір групы, з лютага 1942 года камандзір атрада, у студзені 1943 — сакавіку 1944 года камандаваў 125-й Капаткевіцкай партызанскай брыгады, адначасова член Капаткевіцкага падпольнага РК КП(б)Б. З сакавіка 1944 года знаходзіўся ў распараджэнні БШПР. З 1944 года на савецкай, і адміністрацыйна-гаспадарчай рабоце.

Памяць

Яго імем названа вуліца ў Лепелі.

Літаратура

Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.

Спасылкі

Жигарь Александр Иванович (руск.) // Праект «Партызаны Беларусі»
Жыгар Аляксандр Апанасавіч на сайце анлайн-энцыклапедыі «Беларусь у асобах і падзеях»