У Вікіпедыі ёсць артыкулы пра іншых асоб з прозвішчам Прановіч. Аляксандр Андрэевіч Прановіч (3 сакавіка 1926, в. Бабы, Пухавіцкі раён — 12 студзеня 1999) — Герой Сацыялістычнай Працы (1981)
Вучыўся ў Блужскай школе[1].
Удзельнік Вялікай Айчыннай вайны. Пасля дэмабілізацыі з 1948 г. працаваў на чыгунцы манцёрам, потым брыгадзірам пуці. З 1955 г. дарожны майстар Асіповіцкай дыстанцыі пуці Беларускай чыгункі.
Званне Героя прысвоена за поспехі ў выкананні заданняў 10-й пяцігодкі. Узнагароджаны ордэнамі Леніна, Кастрычніцкай Рэвалюцыі, Працоўнага Чырвонага Сцяга, медалямі, дзвюма Ганаровымі граматамі Вярхоўнага Савета БССР, знакам «Ганаровы чыгуначнік».