У Вікіпедыі ёсць артыкулы пра іншых асоб з прозвішчам Труханаў. Аляксандр Ананьевіч Труханаў (нар. 15 сакавіка 1898, в. Карпіна[1] Гарадоцкага павета, Віцебская губерня — 24 жніўня 1979) — вучоны, доктар тэхнічных навук (1944), прафесар (1937).
Скончыў Саратаўскае сярэднетэхнічнае вучылішча (1919), Ленінградскі электратэхнічны інстытут (1926). З 1927 года супрацоўнік бюро асвятлення Ленінградскага НДІ гігіены працы і тэхнікі бяспекі.
У 1931 годзе ўзначаліў светлатэхнічны аддзел інстытута. З 1939 года ў Маскоўскім энергетычным інстытуце: прафесар кафедры светатэхнікі, затым кафедры эканомікі энергетыкі, з 1946 года загадчык кафедры тэхнікі бяспекі.
Аўтар навуковых прац па пытаннях асвятлення, арганізацыі вытворчасці і тэхнікі бяспекі, шэрага вынаходстваў. Створаны ім прыбор для даследавання якасна-колькасных характарыстык асвятлення адзначаны залатым медалём ВДНГ у 1964 годзе.