Аляксандр Аляксандравіч Смаля́нскі (13 жніўня 1934, былы зернесаўгас «Кастрычнік», Беразнегавацкі раён, Мікалаеўская вобласць, Украіна — 17 верасня 1998) — беларускі харэограф, педагог. Заслужаны артыст БССР (1983).
Скончыў у 1955 годзе Кіеўскае харэаграфічнае вучылішча(руск.) бел.. З 1955 года артыст балета Данецкага(руск.) бел., саліст і педагог-рэпетытар Малдаўскага тэатраў оперы і балета, педагог Малдаўскага харэаграфічнага вучылішча. З 1964 года балетмайстар-рэпетытар, педагог-рэпетытар, загадчык балетнай трупы Нацыянальнага акадэмічнага тэатра балета Беларусі.
На беларускай сцэне ўдзельнічаў у пастаноўцы балетаў беларускіх кампазітараў «Альпійская балада», «Выбранніца», «Тыль Уленшпігель» Я. Глебава, «Пасля балю» Г. Вагнера, класічных і сучасных балетных спектакляў «Лебядзінае возера», «Шчаўкунок» П. Чайкоўскага, «Папялушка(руск.) бел.», «Рамэа і Джульета(руск.) бел.» С. Пракоф’ева, «Бахчысарайскі фантан(руск.) бел.» Б. Асаф’ева, «Сільфіда(руск.) бел.» Х. Левенскольда(руск.) бел., «Чыпаліна(руск.) бел.» К. Хачатурана, «Стварэнне свету» А. Пятрова, «Спартак» А. Хачатурана, «Кармэн-сюіта» Ж. Бізэ — Р. Шчадрына, вакальна-харэаграфічнага прадстаўлення «Карміна Бурана» на музыку К. Орфа, «Балеро[ru]» М. Равеля.