wd wp Пошук: ⬜

Алесь Сакалоў

Але́сь Сакало́ў — беларускі скульптар

Біяграфія

Нарадзіўся ў Мінску 31 траўня 1989 года. У 2008 годзе скончыў Рэспубліканскі каледж мастацтваў імя І. Ахрэмчыка па спецыяльнасці мастак-скульптар. У 2014 годзе скончыў Беларускую дзяржаўную Акадэмію мастацтваў па спецыяльнасці Мастак-скульптар. Выкладае ў Мінскім дзяржаўным мастацкім вучылішчы ім. Глебава. Сябра секцыі скульптуры Беларускага саюза мастакоў з 2014 года.

Прымае ўдзел у рэспубліканскіх выставах з 2008 года і пленэрах з 2010 года. Аўтар скульптуры «Сэрца» на прылеглай тэрыторыі РНПЦ кардыялогія ў горадзе Мінск.

Творчасць

Скульптуры «Каўчэг» (2016), «Дрэва жыцця» (Смаргонь, 2014), «Рака» (Лагойск, 2010), «Птушка» (Паставы, 2012). Праца ў аўтарскім калектыве над помнікам пісемнасці ў горадзе Быхаў з І. Арцімовічам, В. Цімашавым, П. Піраговай. Удзельнік міжнароднага мастацкага пленэру ў горадзе Калінінград у 2011, 2012, 2013 гадах.

У 2021 годзе ў Мінску ў адной з выставачных залаў Музея Заіра Азгура працавала выстава адной скульптуры Алеся Сакалова. Скульптура атрымала назву «П’ета» (італ.: pietà) і прысвечана чарнобыльскай трагедыі. Гэта класічная тэма сцэны аплаквання Хрыста [ru] Маці Божай у іканаграфіі [ru].

Зноскі

1 2 http://bel-art.by/authors_sokolov_al.php
↑ У Менску адкрылася выстава адной скульптуры. Яна прысвечаная чарнобыльскай трагедыі(нявызн.), Белсат (2021.04.22 18:58). Праверана 22 лістапада 2021.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
Сакалоў Нацыянальная бібліятэка Беларусі
Скульптура Беларускі саюз мастакоў