У Вікіпедыі ёсць артыкулы пра іншых асоб з прозвішчам Паплаўскі. Алесь (Аляксандр Феадосавіч) Паплаўскі (нар. 1958, в. Мазуры, Кобрынскі раён) — беларускі паэт і празаік.
Скончыў Полацкі лесатэхнікум і Беларускі тэхналагічны інстытут. Працаваў у лясгасах Гродзеншчыны і Брэстчыны. Жыве і працуе ў Брэсце. Член Саюза беларускіх пісьменнікаў.
Аўтар двух паэтычных зборнікаў: «Спынены лістапад» (1997) і «Незваротнасць» (2001), а таксама кніжкі прозы «Тэрыторыя скразнякоў» (2000). Паэтычныя і празаічныя творы змяшчалі часопісы «Першацвет», «Маладосць», «Тэрмапілы».