Алена Сяргееўна Агарэлышэва (25 снежня 1987, Мінск) — беларуская грамадская актывістка, магістарка сацыялогіі, кіраўніца (у 2018-2020 гг.) і выкладчыца гендэрнай канцэнтрацыі ў Еўрапейскім каледжы Liberal Arts у Беларусі (Мінск)[1], трэнерка і распрацоўшчыца адукацыйнага курсу «Агенты змен супраць хатняга гвалту» у Беларускай асацыяцыі маладых хрысціянскіх жанчын[2].
Даследчыца ў галіне сацыялогія, антрапалогія па праблемах гендэра, цялеснасці, індустрыі моды і стылю, рэалізацыі правоў ЛГБТК. Займаецца распрацоўкай і кіраўніцтвам праектаў у грамадскіх арганізацыях.
Алена Агарэлышэва нарадзілася 25 снежня 1987 года ў Мінску. Скончыла Беларускі дзяржаўны ўніверсітэт па спецыяльнасці «Інфармацыя і камунікацыя» і Еўрапейскі гуманітарны ўніверсітэт у галіне гендэрных даследванняў. Працавала ў Нацыянальнай акадэміі навук Беларусі малодшай навуковай супрацоўніцай, мэнэджаркай праектаў ва Установе «Новая Еўразія»[3].
Пачынаючы са студэнцкага часу, Алена Агарэлышэва пашырала свае веды і атрымлівала цікавы вопыт па некалькіх дадатковых напрамках: у 2009 г. — міжнародны курс па праектнаму мэнэджмэнту ад Брытанскага cавета «Intercultural Navigators», у 2010 г. — стажыроўка PR ад Інстытута па сувязях з грамадскасцю (Institute of Public Relations). У 2011—2012 гг. праходзіла стажыроўку ў Інстытуце дызайна імя Мохай-Надзь (Moholy-Nagy Művészeti Egyetem, Венгрыя), а ў 2016 г. — ва Універсітэце Сёдэрторн на кафедры гендэра (Södertörns högskola, Швецыя).
З 2010 па 2014 гады працавала журналісткай і мэнэджэркай на сайце «Альтэрнатыўная маладзёвая платформа»[4].
У 2013—2014 гг. з’яўлялася даследчыцай і каардынатаркай праектаў Інстытут палітычных даследаванняў «Палітычная сфера»[5] (Коўна-Мінск).
З 2014 г., дзякуючы адукацыйнаму курсу ў Беларускім маладзёвым грамадскім аб’яднанні «Новыя твары»[6], мае сэртыфікат трэнера па форум-тэатру.
У 2017 г. выдатна скончыла гендэрную магістратуру ў Еўрапейскім гуманітарным універсітэце.
У 2017 г. была трэнеркай першага ў Баранавічах жаночага беларуска-нямецкага фэсту «RaCAMAha»[7].
Займалася даследваннямі па праблемах прэзентацыі ў сучасным грамадстве людзей з анкалогічнымі дыягназамі і асабліва жанчын з ракам грудзі. З 9 па 18 чэрвеня 2017 г. удзельнічала ў інтэрактыўным праекце па гэтаму пытанню — «Забараніць немагчыма(е)»[8] з выступам «Анкацела — (не)нарматыўнае цела»[9].
У 2017—2018 гг. з’яўлялася нацыянальнай кансультанткай ЮНІСЕФ у Беларусі[10].
У 2018 г. працавала праектнай мэнеджэркай і каардынатаркай «Фэста квір-кіно DOTYK»[11][12], таксама як каардынатарка дзейнічала ў Community Centre для ЛГБТК+ і іх блізкіх[13]
У 2018-2020 гг. з’яўлалася кіраўніцай гендэрнай канцэнтрацыі ў Еўрапейскім каледжы Liberal Arts у Беларусі (Мінск)[14]