У Вікіпедыі ёсць артыкулы пра іншых асоб з прозвішчам Патапава.
Алена Станіславаўна Патапава (27 сакавіка 1978, Скідзель, Гродзенская вобласць) — беларускі прафсаюзны дзеяч, дэпутат Палаты прадстаўнікоў Нацыянальнага сходу Рэспублікі Беларусь 7 склікання[1], член Пастаяннай камісіі па дзяржаўным будаўніцтве, мясцовым самакіраванні і рэгламенце[2].
Нарадзілася 27 сакавіка 1978 года ў г. Скідзелі Гродзенскай вобласці.
Скончыла Гродзенскі дзяржаўны ўніверсітэт імя Янкі Купалы па спецыяльнасцях «Філалогія» і «Правазнаўства».
Працавала настаўніцай рускай мовы і літаратуры ў сярэдняй школе №28 г. Гродна; старшынёй пярвічнай прафсаюзнай арганізацыі ТАА «ЗОВ», намеснікам генеральнага дырэктара таварыства з абмежаванай адказнасцю «Будаўніча-мэблевае аб’яднанне «ЗОВ».
Выбіралася дэпутатам Гродзенскага гарадскога Совета дэпутатаў 27-га і 28-га скліканняў.
З’яўляецца членам Нацыянальнага савета па працоўных і сацыяльных пытаннях.