.mw-parser-output .ts-Спартыўная_кар’ера-table{width:100%!important;display:table;margin:0 0 -2px;border-collapse:separate;text-align:left}.mw-parser-output .ts-Спартыўная_кар’ера-table th{background-color:#dcebff;text-align:center}.mw-parser-output .ts-Спартыўная_кар’ера-table td:nth-child(1){width:27%}.mw-parser-output .ts-Спартыўная_кар’ера-table td:nth-child(3){width:20%}.mw-parser-output .ts-Спартыўная_кар’ера-table.stripped tr:nth-child(odd){background-color:#f8f9fa}.mw-parser-output .ts-Спартыўная_кар’ера-table.stripped tr:nth-child(even){background-color:#eff1f3}.mw-parser-output .ts-Спартыўная_кар’ера-table.stripped tr.odd{background-color:#f8f9fa}.mw-parser-output .ts-Спартыўная_кар’ера-table.stripped tr.even{background-color:#eff1f3}body.skin-minerva .mw-parser-output .ts-Спартыўная_кар’ера-table.stripped tr{background-color:transparent} Алеандра Розі (італ.: Aleandro Rosi; нар. 17 мая 1987, Рым) — італьянскі футбаліст, абаронца клуба «Перуджа».
З’яўляецца выхаванцам «Ромы». Дэбютаваў ў Серыі А 28 мая 2005 года, выйшаўшы на замену за тры хвіліны да канца гульні ў хатнім матчы супраць «К’ева» (0:0). З Прымаверай «Ромы» выйграў юнацкі чэмпіянат Італіі сезону 2004/05. У пачатку наступнага сезону Лучана Спалеці, які быў прызначаны новым трэнерам «Ромы», называе Розі будучыняй клуба і дае яму больш гульнявога часу. Дзякуючы траўмам асноўных гульцоў, 18-гадовы абаронца атрымаў магчымасць згуляць у 26 матчах сезону 2005/06, уключаючы тры гульні ў Кубку УЕФА. 24 верасня 2006 года ў матчы супраць «Пармы» забіў першы ў прафесійнай кар’еры гол. У апошнім туры Серыі А 2006/07 забіў зноў, чым дапамог «Роме» атрымаць перамогу над «Месінай» з лікам 4:3.
У пачатку сезону 2007/08, выйграўшы з «Ромай» Суперкубак Італіі, Розі адправіўся ў арэнду ў «К’ева», які выступаў ў Серыі B. Веронскі клуб выйграў чэмпіянат і атрымаў пуцёўку ў вышэйшы дывізіён, аднак для Розі не знаходзіцца пастаяннага месца ў асноўным складзе, і летам 2008 года, запісаўшы на свой рахунак 16 матчаў за «К’ева», гулец вярнуўся ў Рым. Наступны сезон ён таксама правёў у арэндзе ў Серыі B — у «Ліворна», дзе стаў асноўным гульцом (42 гульні за сезон) і дапамог клубу заваяваць месца ў вышэйшым дывізіёне ў стыкавых матчах. Летам 2009 года Розі перайшоў у саўладанне ў «Сіену». За палову правоў на гульца «Рома» атрымала 1,2 млн еўра.
Па выніках сезону 2009/10 «Сіена» адправілася ў Серыю B, а Розі на правах арэнды вярнуўся ў «Рому». 15 верасня 2010 года ён дэбютаваў у Лізе чэмпіёнаў, згуляўшы 90 хвілін у Мюнхене супраць «Баварыі» (0:2). Летам 2011 года «Рома» за 1,9 млн еўра цалкам выкупіла ў «Сіены» кантракт Розі.
Летам 2012 года новым трэнерам «Ромы» становіцца Здэнек Земан. На перадсезонным зборы каманды ў Аўстрыі Земан адмаўляецца ад паслуг Розі. 7 жніўня гулец скасаваў кантракт з клубам па ўзаемнай згодзе і падпісаў пяцігадовы кантракт з «Пармай». 25 жніўня дэбютаваў за новы клуб у выяздным матчы першага тура чэмпіянату супраць дзейнага чэмпіёна — «Ювентуса», а ў наступным туры выйшаў на замену ў канцы хатняга матчу з «К’ева» і праз 5 хвілін забіў гол.
У першай палове 2014 года на правах арэнды выступаў за «Сасуола», аднак згуляў усяго ў сямі матчах.
У ліпені 2014 года быў прададзены ў «Джэноа». У першай палове 2015 года выступаў за «Фіярэнціну» на правах арэнды, па заканчэнні якой улетку вярнуўся ў Геную.
13 ліпеня 2015 года было афіцыйна абвешчана аб пераходзе Розі на правах арэнды ў клуб «Фразінонэ», які ўпершыню ў сваей гісторыі выйшаў у Серыю A. Улетку 2016 года быў арандаваны «Кратонэ». Па заканчэнні сезону 2016/17 вярнуўся ў «Джэноа». Пасля сезону 2017/18 пакінуў генуэзскі клуб.
У лютым 2019 года стаў іграком «Перуджы».
Профіль на сайце by.tribuna.com (руск.)
Профіль на сайце soccerway.com (руск.)