Ала́шскае, Алашкі — возера ў Шаркаўшчынскім раёне Віцебскай вобласці Беларусі, за 21 км у напрамку на паўднёвы захад ад гарадскога пасёлка Шаркаўшчына, каля вёскі Алашкі Вялікія, у басейне ракі Дзісна.
Плошча паверхні 0,17 км². Даўжыня 1,12 км, найбольшая шырыня 0,23 км. Найбольшая глыбіня 6,1 м, сярэдняя — 2,1 м. Даўжыня берагавой лініі 2,8 км. Аб’ём вады 0,36 млн м³. Плошча вадазбору 9,3 км².
Схілы катлавіны возера вышынёй 5—7 м, спадзістыя. Берагі забалочаныя. Зарастае. Сцёк па канале ў раку Дзісна.