У Вікіпедыі ёсць артыкулы пра іншых асоб з прозвішчам Рамзей.
Алан Рамзей (Рэмзэй) (англ.: Allan Ramsay; 13 кастрычніка 1713 — 10 жніўня 1784) — шатландскі мастак. Адзін з лідараў брытанскага партрэта XVIII ст.
А. Рэмзэй атрымаў бліскучую адукацыю на радзіме, калі займаўся ў Акадэміі Святога Лукі ў Эдынбургу ў лонданскага жывапісца Ганса Хюсцінга і ў Італіі ў 1736—37.
Творы А. Рэмзэя, такія, як «Партрэт Вальтэра» (1766—77), «Партрэт Эмілі графіні Кілдэр» (1765), вызначаюцца завершанасцю кампазіцыйнага вырашэння, дакладнасцю малюнка, стрыманасцю каларыстычнай пабудовы. Аднак самае галоўнае — гэта складаныя характарыстыкі, якія дае мастак сваім героям. Іх нельга вызначыць адной-дзвюма рысамі. Тонкі, заснаваны на нюансавых адносінах жывапіс партрэтаў спалучаецца з не менш багатай трактоўкай унутранага свету герояў, глыбокім пранікненнем у псіхалогію асобы, яе настроі.