wd wp Пошук: ⬜

Актынаметрыя

Актынаметрыя (ад актына… + …метрыя) — раздзел метэаралогіі, які вывучае перанос і ператварэнне сонечнага, зямнога і атмасфернага выпрамянення ў атмасферы Зямлі.

Галоўныя задачы:

• вымярэнне прамой, рассеянай, сумарнай і адбітай радыяцыі і радыяцыйнага балансу зямной паверхні;
• вывучэнне заканамернасцяў паглынання і рассейвання радыяцыі ў атмасферы і геаграфічнага размеркавання яе.

Актынаметрычныя назіранні пачаліся ў XVII стагоддзі, на Беларусі з 1936 года. У 1994 годзе праводзіліся на 10 станцыях: у Мінскім гідраметэацэнтры, на аграметэастанцыі Васілевічы, Палескай балотнай станцыі і інш. У сучасны час актынаметрычныя назіранні на Беларусі праводзяць больш як 20 метэастанцый.

Літаратура

• Беларуская энцыклапедыя: У 18 т. Т.1: А - Аршын / Рэдкал.: Г.П.Пашкоў і інш. - Мн.: БелЭн, 1996. - 552 с.: іл.
• Геаграфія ў тэрмінах і паняццях: Энцыклапедычны даведнік / Беларус. Энцыкл.; Рэдкал.: Г.П.Пашкоў і інш. - Мн.: БелЭн, 2003. - 352 с.: іл. - ISBN 985-11-0262-8.

Тэмы гэтай старонкі (1):
Катэгорыя·Метэаралогія