Аксамі́ткі, Аксамітка[4], Тагетэс (Tagetes) — род адна- і шматгадовых травяністых раслін сямейства астравых.
Вышыня да 1,5 м. Сцябло прамастойнае, галінастае. Лісце перыстарассечанае. Кветкі жоўтыя, жоўта-аранжавыя або карычнева-чорныя, у кошыках, з моцным пахам. Плод — сямянка. Размнажаюцца насеннем.
Большасць відаў пашыраны субтропіках Амерыкі. На Беларусі інтрадукаваны аксаміткі прамастойныя (Tagetes erecta), аксаміткі адхіленыя (Tagetes patula) і аксаміткі танкалістыя, або пасечаныя (Tagetes tenuifolia); выкарыстоўваюцца ў кветкаводстве. Святла- і цеплалюбныя.
Налічваецца каля 53 відаў[5], у тым ліку:
Tagetes erecta L. typus[3] — Аксаміткі прамастаячыя, ці Аксаміткі прамастойныя
Tagetes patula L. — Аксаміткі распасцёртыя, ці Аксаміткі адхіленыя
Tagetes tenuifolia — Аксаміткі танкалістыя, ці Аксаміткі пасечаныя
Аксаміткі распасцёртыя (Tagetes patula)
Бардзюр з нізкарослых аксамітак прамастаячых (Tagetes erecta) і больш высокіх аксамітак танкалістых (Tagetes tenuifolia).
Дэкаратыўныя і лекавыя расліны (мачагонны, патагонны і проціглісны сродак).