Адольф Леанард ван Гент (нідэрл.: Adolf Leonard van Gendt; 1835 — 1901) — нідэрландскі архітэктар.
Прадстаўнік разгалінаванай архітэктурнай дынастыі, у якой найбольшае значэнне, апроч Адольфа Леанарда, мелі яго брат Фрэдэрык Вілем ван Гент (1831—1900) і сын Адольф Даніэль Нікалас ван Гент (1870—1932).
Скончыў Каралеўскую акадэмію вытанчаных мастацтваў у Гаазе. З 1874 г. практыкаваў у Амстэрдаме. Па праекце ван Гента пабудавана амстэрдамская канцэртная зала Канцэртгебау (1883—1888), ён таксама браў удзел у праектаванні і ўзвядзенні Цэнтральнага вакзала, новага будынка Гарадскога тэатра і інш.