Адзі́ная разліко́вая інфармацы́йная прасто́ра (АРІП; руск.: Единое расчётное информационное пространство, ЕРИП) — аўтаматызаваная інфармацыйная сістэма адзінай разліковай і інфармацыйнай прасторы ў Рэспубліцы Беларусь, прызначаная дзеля прыёму плацяжоў ад фізічных і юрыдычных асоб. Створана Нацыянальным банкам Рэспублікі Беларусь і ўведзена ў эксплуатацыю ў 2008 годзе.
АІС АРІП дазваляе здзяйсняць наяўныя плацяжы, плацяжы з выкарыстаннем банкаўскіх картак, электронных грошай EasyPay, iPay і WebMoney у банках-удзельніках сістэмы, а таксама праз інтэрнэт і смс-банкінг. Адной з першых стала магчыма аплата камунальных паслуг, а на дадзены час удзельнікамі сістэмы з’яўляюцца больш за 8000 кампаній[5].
Інфармацыйнай падтрымкай сістэмы займаецца ААТ «Цэнтр банкаўскіх тэхналогій».