У Вікіпедыі ёсць артыкулы пра іншых асоб з прозвішчам Ларан. Агюст Ларан (фр. Auguste Laurent) (14 лістапада 1807, Ла-Фалі — 15 красавіка 1853, Парыж) — французскі хімік-арганік.
У 1830 г. скончыў Парыжскі Горны інстытут з дыпломам інжынера, пасля чаго ў 1830—1831 гг. працаваў асістэнтам Ж. Б. Дзюма ў Цэнтральнай школе мастацтваў і рамёстваў ў Парыжы. У 1832 г. Ларан перайшоў у лабараторыю Сеўрскага фарфоравага завода, дзе, нягледзячы на недахоп абсталявання для работ па арганічнай хіміі, праводзіў свае даследаванні. У 1837 г. Ларан атрымаў ступень доктара філасофіі, а ў наступным годзе стаў прафесарам хіміі ўніверсітэта ў Бардо. Атрымаўшы ў 1846 годзе званне члена-карэспандэнта Акадэміі навук, Ларан зноў прыехаў у Парыж, дзе ў 1846—1847 гг. працаваў у Вышэйшай нармальнай школе, а ў 1848 годзе, не маючы магчымасці заняць якую-небудзь выкладчыцкую пасаду і застаўшыся без сродкаў да існавання, вымушаны быў ўладкавацца прабірэрам пры Манетным двары. Нягледзячы на цяжкае матэрыяльнае становішча, Ларан ўсё ж працягваў займацца навукай. Ён памёр у поўнай беднасці, ад сухотаў, калі яму не было яшчэ і 46 гадоў.