Агурочная мазаіка[1] — хвароба раслін, выкліканая вірусам агурочнай мазаікі. Пашкоджвае як гародніну, так і дэкаратыўныя расліны, у тым ліку гладыёлусы (Gladiolus)[1].
Вірус перадаецца з сокам хворых раслін, тлямі. Хвароба характарызуецца паласатасцю лісця і кветак. Палосы ўздоўж жылак ліста светла-жоўтыя, іншы раз амаль белыя, на пялёстках - жаўтавата-белыя і цямнейшыя за асноўны фон. Кветкі недаразвітыя, рана завядаюць. Часта назіраюцца дэфармацыя сцеблаў і дрэнны рост раслін. Пры адсутнасці прафілактычных мерапрыемстваў вірус пашкоджвае 100% раслін[1].