Агапанава (руск.: Агапоново) — вёска ў Смаленскім раёне Смаленскай вобласці Расіі. Уваходзіць у склад Навасельскага сельскага паселішча. Насельніцтва — 133 жыхара (2007).
Размешчана ў заходняй частцы вобласці за 30 км на паўночны захад ад Смаленска, за 3 км на паўночны захад ад аўтадарогі 66К11 Смаленск — Невель. За 14 км на поўдзень ад вёскі знаходзіцца чыгуначная станцыя 416 км на лініі Смаленск — Віцебск. Недалёка ад вёскі знаходзіцца возера Каспля. За 3 км ад вёскі знаходзіцца парк-гатэль «Барвіха»[1].
25 сакавіка 1918 года згодна з Трэцяй Устаўной граматай вёска абвяшчалася часткай Беларускай Народнай Рэспублікі. 1 студзеня 1919 года згодна з пастановай I з’езда КП(б) Беларусі яна ўвайшла ў склад Беларускай ССР, аднак 16 студзеня Масква адабрала вёску разам з іншымі этнічна беларускімі тэрыторыямі ў склад РСФСР.
У гады Вялікай Айчыннай вайны вёска была акупавана нямецкімі войскамі ў ліпені 1941 года, вызвалена 26 верасня 1943 года[2][3][4].
Выхадцам гэтай вёскі з’яўляецца расійскі палітык Анатоль Іванавіч Мішнёў[5].