Абу Сулейман ан-Насір Лідынілах (араб. أبو سليمان الناصر لدين الله) — мараканскі тэрарыст, адзін з лідараў міжнароднай ісламісцкай тэрарыстычнай арганізацыі «Ісламская дзяржава»[1][2][3]. Пасля гібелі Абу Аймана аль-Іракі ў лістападзе 2014 года ўзначаліў «ваенны савет» групоўкі, якія раней выконваў ролю ваеннага саветніка ІД.
Аб Абу Сулеймане вядома вельмі мала. Яго сапраўднае імя — Німан Салман Мансур аз-Зайдзі[4] (араб. نيمان سلمان منصور الزيدي). Нейкі час ён узначальваў іракскае аддзяленне «Аль-Каіды», стаўшы пераемнікам Абу Аюба аль-Масры забітага сілавікамі ў красавіку 2010 года. З гэты моманту Абу Сулейман — ваенны саветнік у арганізацыі «Ісламская дзяржава Ірак» — папярэдніцы ІД.
У лютым 2011 года іракскія сілавікі абвясцілі, што ім нібыта ўдалося ліквідаваць Абу Сулеймана ў горадзе Хіт, што на захад ад Багдаду. Аднак прадстаўнікі ІД абверглі гэтую інфармацыю[5][6].