Абдул-Хамід II (21 верасня 1842 — 10 лютага 1918) — турэцкі султан (1876—1909).
Пад націскам Мідхата-пашы ў 1876 увёў канстытуцыю, аднак неўзабаве распусціў парламент і ўстанавіў дэспатычны рэжым. Інспіраваў армянскія пагромы, разню грэкаў на Крыце і інш., за што атрымаў мянушку Крывавы султан. Пасля Младатурэцкай рэвалюцыі (1908) быў вымушаны аднавіць канстытуцыю 1876 года. 27.4.1909 арыштаваны младатуркамі за ўдзел у контррэвалюцыйным перавароце. Памёр у стамбульскай турме.