У Вікіпедыі ёсць артыкулы пра іншых асоб з прозвішчам Міронаў.
Яўген Віталевіч Міронаў (нар. 29 лістапада 1966) — савецкі і расійскі акцёр
тэатра і кіно, народны артыст Расіі (2004), лаўрэат двух Дзяржаўных прэмій Расійскай Федэрацыі.
У кіно Яўген Міронаў першую ролю сыграў у 1988 годзе ў фільме Аляксандра Кайданоўскага «Жонка керасіншчыка». Пасля стужак «Рабі — раз!», «Перад світаннем», «Закінуты ў Сібіры» маладога акцёра заўважылі.
Шырокую вядомасць і прызнанне як гледачоў, так і спецыялістаў Яўген Міронаў атрымаў пасля выканання галоўнай ролі ў фільме Валерыя Тадароўскага «Каханне». За яе акцёр атрымаў цэлы шэраг кінематаграфічных узнагарод і быў прызнаны лепшым акцёрам 1992 года.
У снежні 2006 года прызначаны мастацкім кіраўніком Дзяржаўнага тэатра нацый.