У Вікіпедыі ёсць артыкулы пра іншых асоб з прозвішчам Мнішак.
Ян Караль Мнішак (1716 — 19 верасня 1759) — дзяржаўны дзеяч Рэчы Паспалітай. Староста галіцкі, каронны лоўчы ў 1736—1742, падкаморы ВКЛ з 1742; генерал-лейтэнант каронных войскаў. Трымаў шматлікія староствы.
Сын кракаўскага кашталяна Юзафа Мнішка і яго другой жонкі Канстанцыі Тарла. У 1741 ажаніўся з Кацярынай Замойскай, дачкой смаленскага ваяводы Міхала Здзіслава Замойскага.
Меў сыноў Юзафа, Станіслава Ежы і Міхала Ежы, а таксама дзвюх дачок: Альжбету, якая стала жонкай Яна Домбскага, і Людвіку, якая выйшла за князя Аўгуста Казіміра Сулкоўскага.