Ёханес Сікст Герхардус (Ян) Веркадэ (18 верасня 1868 — 19 ліпеня 1946) — нідэрландскі мастак-постімпрэсіяніст, хрысціянскі сімваліст. Вучань Поля Гагена і сябар Поля Серузье, належаў да кола мастакоў, вядомых як «Les Nabis».
Быў анабаптыстам, пазней яго мастацкія і духоўныя пошукі прывялі яго да пераходу ў рыма-каталіцтва, прыняў манаства, узяўшы рэлігійнае імя Віліброрд. Паступіў у архабацтва Беўрана і працягваў сваю працу ў рэлігійным кантэксце, цесна супрацоўнічаючы з Дэзідэрыусам Ленцам, кіраўніком мастацкай школы Бёрона. Ён працаваў па ўсёй Еўропе і аказаў важны ўплыў на далейшае развіццё новага бенедыктынскага мастацтва.