Якаў Навумавіч Мараш (1916 — 1990) — беларускі гісторык. Доктар гістарычных навук (1973), прафесар (1974).
У 1936—1939 вучыўся ва Універсітэце Стэфана Баторыя ў Вільні, скончыў Львоўскі ўніверсітэт. Працаваў настаўнікам. З 1946 у Гродзенскім педагагічным інстытуце (цяпер Гродзенскі ўніверсітэт імя Купалы), выкладчык, дацэнт, дэкан гістарычнага факультэта, загадчык кафедры гісторыі СССР і БССР. Стварыў навуковую школу гісторыкаў-беларусістаў, якія даследуюць пытанні ранняга новага часу (перыяд Рэчы Паспалітай). Сярод яго вучняў Тамара Барысаўна Блінова, Святлана Валянцінаўна Марозава (Палуцкая), С. В. Дзейкалова, І. А. Фёдараў, Ніна Уладзіміраўна Паўлючэнка.