Якаў Абрамавіч Гольбін (руск.: Гольбин Яков Абрамович; 1 ліпеня 1925, Рагачоў) — беларускі вучоны ў галіне эканомікі. Доктар эканамічных навук.
У 1947 г. скончыў Беларускі дзяржаўны інстытут народнай гаспадаркі імя В. У. Куйбышава. Удзельнік Вялікай Айчыннай вайны. З 1945 г. працаваў у Дзяржплане БССР. Затым з 1950 г. — у Інстытуце эканомікі АН БССР, дзе да выхаду на пенсію займаў пасады старэйшага навуковага супрацоўніка, начальніка сектара грамадскай прадукцыйнасці працы, старэйшага навуковага супрацоўніка-кансультанта.
З 1992 г. жыве ў ЗША.