Юрый Георгіевіч Лопух (нар. 20 кастрычніка 1964, в. Горная Рута Карэліцкага раёна) — беларускі матагоншчык. Майстар спорту СССР (1984), майстар спорту міжнароднага класа (1987).
Скончыў сярэднюю школу № 3 г. Ашмяны (1981). У 1983—1991 гадах праходзіў вайсковую службу ў спартыўных клубах арміі ў Мінску і Групе савецкіх войскаў у Германіі. Пасля вяртання ў Ашмяны працаваў трэнерам па мотаспорце ў ПТВ № 192. З 1994 годзе працуе ў закрытым акцыянерным таварыстве «Аграсакрат-Інтэрнэйшанал», заснавальнік таварыства.