У Вікіпедыі ёсць артыкулы пра іншых асоб з прозвішчам Заяц. Ю́рый Апана́савіч За́яц (12 студзеня 1951, Ліда — 3 красавіка 2011[1]) — беларускі археолаг і гісторык. Кандыдат гістарычных навук (1989).
У 1977 скончыў Мінскі педагагічны інстытут, працаваў у Дзяржаўным музеі Беларусі, з 1978 — у сектары старажытнай беларускай культуры Інстытуту мастацтвазнаўства, этнаграфіі і фальклору НАН Беларусі, з 1979 года – супрацоўнік Інстытуту гісторыі НАН Беларусі.
Даследаваў праблемы археалогіі і гісторыі Цэнтральнай Беларусі перыяду феадалізму. У тым ліку археалагічныя помнікі на тэрыторыі Мінску і Заслаўя, Асіповіцкага, Барысаўскага, Дзяржынскага (вёскі Баравікі, Васілеўшчына, Грычына, Каменка, Курганы, Леніна, Лукашына, Машніца, Навасады, Павуссе, Перацяткі, Путчына, Пярхурава, Радзіма, Ружампаль, Скварцы, Слабодка, Цяўлава, Чэрнікаўшчына, Шпількі, Шыкатавічы і г. Дзяржынск[2]) і Мінскага раёнаў.
Аўтар манаграфій «Заслаўе X—XVIII стагоддзяў» (1987), «Заслаўская кафля» (1990), «Заслаўе ў эпоху феадалізму» (1995); «Абарончыя збудаванні Мінску XI—XIII ст.» (1996), шэрагу артыкулаў.