У Вікіпедыі ёсць артыкулы пра іншых асоб з прозвішчам Завадскі. Юзаф Завадскі (польск.: Józef Zawadzki; 15 сакавіка 1781, Козьмін-Велькапольскі — 5 снежня 1838, Вільня) — віленскі друкар і выдавец .
Вучыўся выдавецкай справе ва Уроцлаве і Лейпцыгу. У 1803 годзе пераехаў у Вільню і адкрыў друкарню. У 1805 годзе да Ю. Завадскага перайшла друкарня Віленскага ўніверсітэта, ён злучыў дзве друкарні і заснаваў выдавецтва (гл. выдавецтва Завадскага(літ.) бел.). Да 1826 года меў тытул універсітэцкага друкара. Быў сябрам масонскай ложы «Гарлівы Літвін».
Меў сыноў Адама і Фелікса, таксама выдаўцоў.
Пахаваны ў Вільні на Антокальскіх могілках. На магіле пастаўлены класічны абеліск ружовага граніту, завершаны малым акратэрыям белага мармуру.