У Вікіпедыі ёсць артыкулы пра іншых асоб з прозвішчам Ітан.
Эштан Ітан (англ.: Ashton Eaton; 21 студзеня 1988 г., Бенд, штат Арэгон) — амерыканскі лёгкаатлет, які спецыялізуецца ў мнагабор’і. Дзеючы ўладальнік сусветных рэкордаў у сямібор’і і дзесяцібор’і. Срэбны прызёр чэмпіянату свету 2011 года ў дзесяцібор’і. На чэмпіянаце свету ў памяшканні 2012 выйграў залаты медаль у сямібор’і, усталяваўшы пры гэтым новы сусветны рэкорд 6645 ачкоў. 23 чэрвеня 2012 года на алімпійскім адборы ў Юджыне, Арэгон, трыумфальна ўстанавіў новы сусветны рэкорд у дзесяцібор’і — 9039 ачкоў.