Эфіопская імперыя, таксама вядомая як Абісінія — суверэнная манархічная дзяржава, якая напыканцы свайго існавання аб’ядноўвала тэрыторыі сучасных Эфіопіі і Эрытрэі. На піку магутнасці імперыя таксама ўключала Паўднёвы Егіпет, Усходні Судан, Емен і захад Саудаўскай Аравіі і існавала ў розных формах ад 980 да 1974 года, калі манархія была зрынута шляхам перавароту. Імперыя была найстарэйшай дзяржавай свайго часу[1][2], а таксама адзінай краінай Афрыкі, якая паспяхова супрацівілася каланіяльнаму падзелу Афрыкі.