Энцыклапе́дыя Ніпо́ніка (яп.: 日本大百科全書,にほんだいひゃっかぜんしょ）, ніхон дайхяка дзенсё, «японская вялікая энцыклапедыя»; англ.: Encyclopedia Nipponica) — японскі энцыклапедычны слоўнік у 26 тамах японскага выдавецтва Сёгакан. З’яўляецца найбольшым агульным даведнікам з японазнаўства. Складаўся 10 гадоў. Змяшчае больш за 130000 артыкулаў на 23000 старонках. Ён перажыў два выданні: 1984—1994 і 1994—1997 гадоў. З канца 1990-х гадоў выдавецтва пачало выдаваць электронныя версіі слоўніка для персанальных камп’ютараў.
Інфармацыя ў энцыклапедыі прадстаўлена ў адпаведнасці з алфавітным паказальнікам. Складаецца з 24 тамоў з тэматычнымі артыкуламі, 1 тома пошукавага індэкса і 1 дадатковага тома.