Энкіду
Энкіду (магчыма, ад шумерскага «ўладар, які стварыў зямлю») — герой шумера-акадскага эпасу пра Гільгамеша.
Згодна міфу, багі стварылі Энкіду з гліны. Ён выглядаў як тыповы дзікун: страшэнны позірк, цела пакрытае поўсцю, жыве ўдалечыні ад гарадоў, абараняе дзікіх звяроў ад паляўнічых. Пры сустрэчы з Гільгамешам кідаецца ў бітву. Але пасля безвыніковай барацьбы героі ператвараюцца ў сяброў, і Энкіду дапамагае Гільгамешу ў яго подзвігах. Але багі, угневаныя на сяброў за забойства Хумбабы, насылаюць на Энкіду хваробу і смерць. Узрушаны Гільгамеш быў вымушаны ў адзіноце працягваць шукаць неўміручасць.
Літаратура
The Epic of Gilgamesh, Foster, Benjamin R. trans. & edit. New York: W.W. Norton & Company, 2001. ISBN 0-393-97516-9
Спасылкі
Тэмы гэтай старонкі (1):Катэгорыя·Шумерская міфалогія