У Вікіпедыі ёсць артыкулы пра іншых асоб з прозвішчам Змачынскі.
Эміль Вікенцьевіч Змачынскі (14 сакавіка 1889, в. Падзернае, Мінская губерня — 15 сакавіка 1945, Краснаярскі край, СССР) — беларускі вучоны-хімік. Кандыдат хімічных навук (1915).
Стваральнік і першы загадчык кафедры фармпрэпаратаў, загадчык кафедры арганічнай хіміі Пермскага ўніверсітэта (1925—1928). Загадчык кафедры агульнай і неарганічнай хіміі (1928—1937), стваральнік і першы дэкан хімічнага факультэта Беларускага дзяржаўнага ўніверсітэта (1931, пасля 1934—1936).
Рэпрэсаваны. Загінуў у зняволенні. Рэабілітаваны ў 1957 годзе.
Аўтар прац у галіне неарганічнай хіміі, праблем развіцця хімічнай прамысловасці, даследванняў беларускага торфу.