У Вікіпедыі ёсць артыкулы пра іншых асоб з прозвішчам Галіцкі.
Эдуард Аляксеевіч Галіцкі (нар. 11 жніўня 1939, Смаленск, Расія) — беларускі біяхімік. Доктар біялагічных навук (1998), кандыдат медыцынскіх навук (1970), прафесар (2001).
Скончыў Гродзенскі дзяржаўны медыцынскі інстытут (1965).
Працаваў у Гродзенскім дзяржаўным медыцынскім інстытуце (1967—1980, асістэнт кафедры біяхіміі), Інстытуце біяхіміі АН Беларусі (1981—1992, вядучы навуковы супрацоўнік), Гродзенскім дзяржаўным універсітэце імя Я. Купалы (з 1992 — дацэнт кафедры анатоміі і фізіялогіі чалавека, у 1996—2009 — дацэнт, прафесар кафедры экалогіі).
Навуковыя інтарэсы: праблемы ўздзеяння ўнутранага апрамянення на біяхімічныя пакажчыкі жывёл і чалавека; радыебіялогія; радыеэкалогія; радыяцыйная бяспека.