wd wp Пошук: ⬜

Эдуард Іванавіч Міхневіч

У Вікіпедыі ёсць артыкулы пра іншых асоб з прозвішчам Міхневіч.

Эдуард Іванавіч Міхневіч (нар. 21 студзеня 1941, в. Чаркесы, Іўеўскі раён, Гродзенская вобласць) — беларускі вучоны ў галіне воднай гаспадаркі, гідралогіі, рэчышчавых працэсаў і водазабеспячэння. Доктар тэхнічных навук (1990), прафесар (1993). Акадэмік Беларускай інжынернай акадэміі (1992), Міжнароднай інжынернай акадэміі (1995).

Біяграфія

Скончыў Беларускі політэхнічны інстытут (кваліфікацыя «Інжынер-гідратэхнік», 1962).

Працаваў у Беларускім навукова-даследчым інстытуце меліярацыі і воднай гаспадаркі (1962—1992; у 1976—1992 — загадчык лабараторыі рэчышчавых працэсаў і рэгулявання водапрыёмнікаў, загадчык аддзела гідратэхнікі); Беларускім нацыянальным тэхнічным універсітэце (з 1993; у 1994—2011 — загадчык кафедры «Водазабеспячэнне і водаадвядзенне», з 2011 — прафесар).

Навуковыя інтарэсы: рэгуляванне, аднаўленне і разлік устойлівасці рэчышчаў рэк і каналаў, канструкцый і спосабаў іх умацавання; распрацоўкі ў галіне гідраэкалогіі, якія накіраваны на паляпшэнне воднага рэжыму і экалагічнага стану рэк, азёр і вадасховішчаў

Бібліяграфія

Совершенствование методов расчета и способов повышения устойчивости русел регулируемых рек — водоприемников и проводящих каналов гидромелиоративных систем : автореферат диссертации … доктора технических наук : 06.01.02 / Михневич Эдуард Иванович. — Минск, 1990.

Зноскі

Літаратура

Михневич Эдуард Иванович // Республика Беларусь : энциклопедия : [в 7 т.]. — Минск, 2007. — Т. 5. — С. 124.
Міхневіч Эдуард Іванавіч // Беларуская энцыклапедыя : у 18 т. — Мінск, 2000. — Т. 10. — С. 487.
Михневич Эдуард Иванович // 95 лет истории развития мелиоративной науки в Беларуси / Институт мелиорации и луговодства НАН Беларуси. ― Минск, 2005. — С. 116—117.